樂天皇朝 (青衣城1)

Open Now

Now Closed

今晚唔想煮飯，想食小籠包，去左青衣城簡單食。次次個前菜都比我食哂，係好淋好入味嘅花生栗子。呢間店嘅服務亦算係我幫襯嘅分店之中最好，主動服務型。鍾意呢度水準keep到皮薄爆汁嘅原味小籠包，但又做到輕易夾頂吊起小籠包而唔會穿。加薑絲同醋好好食。糖醋魚片原來都幾好食，有咕嚕肉嘅酸甜脆皮，魚肉夠厚，可惜份量少左d。雪菜咸肉炒年糕味道清清地之中帶咸香，咸肉味道似金華火腿同午餐肉之間，雪菜咸肉年糕同時入口最好食。

同friend 講開邊度生煎包好食，佢同我都覺得呢間唔錯，我地仲叫左整得都好味嘅椒鹽小黃魚，好香脆，魚肉又滑，細骨都炸到脆脆咁，好香口！前菜嘅滷水花生同栗子入味又夠淋，配茶飲已經好正。第一次試嘅陳皮五香牛肉又係好味道，又嫩口又夠味。主角上海生煎包一如既往咁香脆呀個包底，咬落好香，食到肉餡又感受到軟軟鬆鬆嘅包。係一向都咁好味～至於酸辣湯麵呢個一舉兩得嘅麵食對我地兩個女仔黎講係最好，又食到拉麵又飲到酸辣湯，都ok~

呢間餐廳係我最愛上海菜館之一，服務好，抵食。特別鍾意上海風味醬鴨同原味小籠包，性價比非常高。小食份量嘅風味醬鴨，望落細細件，其實都幾多肉，而且少少風乾左嘅醬鴨，入味之餘又唔會太鹹。至於小籠包呢，皮薄，裏面承載住湯汁，非常鮮味～薺菜黃魚羹，有營養，少少鹹味少少咸味少少胡椒味，值得回味嘅一個羹湯～木樨肉炒拉麵，有豬肉、雞蛋、木耳絲嘅炒麵，好香上海醬油味，拉麵口感都OK。登登登！最愛上海甜品「桂花酒釀丸子」，丸子粉粉地之中有少少煙煙韌韌，好香桂花味亦都有少少酒味，清甜桂花香嘅甜品，like！

食上海野，呢間抵食兼好坐。今日唔想食飯，點個京醬肉絲配薄餅，薄薄餅皮包住蔥絲、香濃上海風味醬汁炒香嘅肉絲，飽肚又好食。前菜係上海花生粟子係滲滿醬油味，淋淋地，好易入口，配杯茶就最正。呢個加d醋撈個蛋黃出奇地會有蟹味嘅餸，我自細就鍾意食。呢度勝在唔油但夠滑，加埋瑤柱嘅芙蓉賽螃蟹無得彈！上海生煎飽呢，煎得夠香，裡面有少少肉汁，夠軟熟，好野黎。對我黎講呢度酸辣湯麵偏辣，最like係料足麵爽，價錢實惠，作為晚飯選擇唔錯。

前身係翡翠拉麵小籠包不過水準好唔穩定轉左樂天皇朝後第一次試想唔到都可以啦小籠包係最出色嘅 皮薄多汁熱辣辣水煮牛肉都好味 叫咗中辣非常惹味配料有進步空間 因為只有芽菜薯粉豆皮同少量木耳如果減少芽菜 加埋窩筍會更佳鍋貼唔夠多汁 所以普普通通鮮蝦雲吞麵嘅雲吞都唔錯不過個麵稍嫌淡 加左水煮牛肉嘅薯粉一齊食就好好多生煎包有幾大嘅進步空間個底唔夠脆 又有乜汁涼拌木耳夠凍 酸咗少少 不過都幾好味油炆筍真係唔得 完全唔係嗰回事爽都唔爽下 唔似食緊筍蘿蔔絲酥餅好食嘅 但賣相唔夠靚顏色差啲啲前菜幾特別 啲栗子好味😋