品香樓中西風味餐廳

Open Now

Now Closed

之前朋友介紹帶路食過第一次品香樓後，已經成日都想再去食多次😋 可惜今次只有兩個人，可以叫到嘅菜式比較少，但點都好，每次去都一定要嗌佢哋嘅火焰蜜椒牛柳粒🥹火焰蜜椒牛柳粒 🔥呢個真係每次必嗌🥹 上枱個陣會幫手點火，個火仲會keep住燒一陣，錫紙兜入面嘅嘢食會keep 住暖暖地，蜜糖好夠，牛柳粒同薯仔都好甜好好食😋椒鹽九肚魚九肚魚唔錯，但比較鍾意上一次食嘅豆腐多啲！生汁龍鳳球個波波係用雞肉包住蝦滑炸，個汁似平時茶餐廳嘅粟米忌廉汁味，味道正常，值得一試，但下一次去未必會特別再叫佢嚟食凍朱古力凍朱好濃！加埋上面嘅cream由頭甜到飲完為止，好邪惡😼

品香樓除左係附近大學生嘅聚腳點，仲有超多屋邨住客捧場，開業多年仍然人氣不減，有多款港式鑊氣小炒，啱哂成班人聚會夠哂熱鬧！—— 風沙雞 (半隻) $155必叫！炸得超靚金黃色，外皮好酥脆，雞皮真係好好好好食，啲脂肪炸到出哂油，濃郁鹹香，大量炸蒜灑上去一齊食，超正！—— 火焰蜜椒牛柳粒 $123上枱仲著緊火，好keep到熱辣辣🔥牛柳粒軟腍，有大量三色椒同薯仔，醬汁甜中帶辣，黑椒味出哂黎，好食！—— 啫啫通菜煲 $98份量十足！通菜炒得鮮嫩唔黃，口感清脆，好惹味！—— 七味椒鹽豆腐 $88豆腐好滑好柔軟，外皮炸得乾身香脆，完美包裹每舊豆腐，仲要大大粒，普通椒鹽調味已經食到停唔到口😂—— 回鍋豬頸肉 $88濕炒薄片豬頸肉，香辣辛香，嫩滑入味，不過食到後面略為有啲油膩—— 凍朱古力 $28名物之一！幾乎每枱必點！朱古力味濃郁，加埋忌廉更滑，唔會太甜🌟推薦指數：9/10▫️▫️▫️▫️▫️▫️▫️▫️▫️▫️▫️▫️▫️📍 品香樓中西風味餐廳 (石硤尾)南山村南山商場平台204-5及210-13號舖

石硤尾南山邨的品香樓是昔日學生時代聚會食飯之地，畢業之後，相隔多年未有前來。這晚和家人去又一城睇戲，特意走過來品香樓吃頓晚飯。我們坐的圓枱是在卡位之間的通道，座位擠迫。而且冷氣過凍，凍到食物好快變凍，凍到連人都想快快吃完便走。明太子炒飯，配料有蟹柳及蟹籽，炒飯都算乾身。加入了蟹籽，有爽脆口感，令炒飯更有咬口。雖然叫明太子炒飯，但不會吃到明太子那陣淡淡鹹香味。蜜桃沙拉骨，沙拉骨香脆得來又啖啖肉，澆上沙律醬及加入蜜桃粒粒，味道酸酸甜甜，幾醒胃。啫啫芥蘭煲，好夠鑊氣，芥蘭嫩綠爽脆，惹味！火焰蜜椒牛柳粒，食物送上桌後，侍應在我們面前點火，將牛柳粒的醬汁燒至吱吱聲，打卡菜式之選！牛柳粒軟稔入味，帶微微蜜甜，很好吃！薯仔脆脆的，好香口～～鍋貼芝麻蝦，賣相一般，像是在蝦多士上隨意的灑上白芝麻及肉鬆，每件都不平均。味道普普通通，蝦膠尚算彈牙。港式脆煎蠔餅，蠔仔份量不多，鹹香度普通，但都算是夠酥脆，入口不會太油膩。風沙雞 (半隻)，面層鋪滿金黃的炸蒜，雞皮炸得香脆，惟肉質有點柴及乾身。七味椒鹽豆腐，豆腐炸得金黃，口感外脆內軟，七味椒鹽的調味恰好，惹味又不會太鹹，大家都吃不停口！凍朱古力，依舊是回憶中的味

屹立不倒多年，必然有佢過人之處。對上一次食嘅時候，已經係三四年前第一次同一大班朋友來，記憶中都覺得味道唔錯嘅～今次同屋企人突然間想食一啲小炒中菜，有一啲老字號已經慢慢變咗唔好食，甘岩突然腦海中諗返起依一間，所以決定專程揸車過嚟食，喺南山邨有時租停車場$19/小時（不過就冇free parking）椒鹽九肚魚 魚香茄子煲（有驚喜，食得到真正嘅魚香既味道）菠蘿咕嚕肉火焰蜜椒牛柳粒明太子炒飯凍朱古力雖然order嘅都係一啲招牌菜，但係味道真係唔錯，價錢雖然唔算好平，但係對得起呢個價錢～P.S 此店收現金（要知道喺現今淨係收現金嘅舖頭，即係代表唔憂做😂）的確當日平日星期二到7:30時已經係九成滿座了，就知道佢咩料啦😌唯一要彈嘅就係我當日張枱沒有清潔好 枱面有好大疊污跡，叫咗侍應嚟，佢求其抹一抹左一邊就走左😐

同朋友專登揸車來開餐，記得好多年前經常一家人周末都係食呢間，而家大個咗就帶人嚟好多餸菜都有著回憶；最緊要手撕雞要預早同店訂，否則試過嚟到話沽清，無咗手撕雞就好似失去主菜一樣，其次必食有南乳豬手，唔知點解出面食唔翻呢個味道，太香口，朋友舉曬手指公大讚，仲有一定要飲凍朱古力，呢杯真係好邪惡好致肥但又必須要飲；好耐無嚟仍然坐滿人，周末一定要打嚟訂位，呢間店位置有啲迫，服務係無嘅，但價錢平喎，食物保持水準，不得不來

以前喺附近讀書嘅時候，經常嚟食飯，後來畢咗業之後都冇嚟過，今晚去完又一城買嘢，但又唔想喺又一城食晚飯， 於是乎就諗起附近南山村嘅品香樓。品香樓就好似入咗室內嘅大排檔，唔知係咪搬咗新舖，感覺上比以前乾淨同坐得舒服好多。我哋重點叫品香樓熱賣排行榜嘅食物凍朱古力差不多每一台都會order，佢哋杯朱古力嘅特色係上面加咗好多cream，我鍾意將啲cream同朱古力攪勻你飲，特別好味。紅豆冰比凍朱古力細杯，紅豆唔多，但好林，唔係太甜，可以接受。西蘭花花枝帶子帶子唔係好多粒，反而花枝就比較多，帶子嘅size適中，花枝就好大片，西蘭花炒到剛剛好，味道好。南乳炸豬手豬手嘅表皮好似炸到好香脆，其實唔係好脆，皮下黐住豬手嘅肥肉，即係我哋平時食豬手好鍾意食嘅骨膠原，所以唔會太乾，同南乳醬一齊食，好惹味，可惜骨太大肉太少。火焰密椒牛柳粒侍應會在我哋面前點火，火唔會太大，過咗一段時間先至會熄滅，所以呢個餸菜一直都保持住熱辣辣。我第一口咬落去已經覺得佢好惹味，再食埋佢啲薯仔同椒，簡直係絕配，望落去好似細細兜，其實有好多牛仔粒，同埋佢有好多汁，用嚟撈飯食一流。但畧甜和多油。蜜桃沙拉骨，炸香了的豬肋條加上沙律醬和蜜桃，

冇茶位費，亦冇加一。係收$6前菜！口味偏濃，比較重口味！我口味偏淡，所以覺得有d鹹！地理位置都幾好搵，樓面阿姐唔夠人手，叫好耐都冇人理我！晚飯時間要等位！凍朱古力$23，冰有d多，不過好濃好正！風沙雞$135半隻，食到後面越食越鹹。。。南乳炸豬手$88，炸到有d乾。。。明太子炒飯$57，個人覺得佢個炒飯做得好靚！不過我老公就食到津津有味，因為佢口味比較重😂

又是一個讀書時代的回憶，以前點點點，很懷念以前的日子。今天放工來到附近上堂，下課後跟朋友來這裡重拾昔日情懷。餐廳環境方面環境依舊，保留著一片中式茶樓的風味。餐牌方面，九點半後依舊保持特價粥粉面飯。但也添了一個特色，就是模仿了薩利亞的設計！有個按鈕，不必再舉手示意，而是按一下按鈕，就有專人來到你面前，替你下單。食物方面點了1）螞蟻上樹；2）蜜椒牛柳粒；3）椒鹽黃金粒；4）凍朱古力等先來了螞蟻上樹，起初是想為了螞蟻上市而慶賀的，但執筆之際螞蟻卻突然退市了。原先的辣味不在，是一殼眼淚。沒有錯，此菜式的別名是辣味肉碎粉絲。就是這樣，滑滑的粉絲配合辣醬，很是惹味！於是者，很快便把它吃光了。蜜椒牛柳粒；配料有薯仔，三色椒，牛柳，不是不好吃，而是牛柳粒不太多，令整體性價比不高。但幸存的牛柳粒十分入味，黑椒味成功吸引我味蕾！最後我不記得名字了，總知是炸豆腐，爽口，件數多，成本低卻弄得好！回味無窮。同一時間點了一杯朱古力，賣相和味道跟以往一樣的好味！拿來打卡最合適了。希望可以跟 朋友一起繼續吃盡香港美食。日期：2020.10.29

讀CityU的對品香樓一定不會陌生，這裡等於飯堂一樣，我也在這留下過不少足跡，但畢業後已很少來，對上一次來已是2014年。今次我的朋友說想一起來這裡重拾讀書時的回憶。 用餐時間：9：45PM 宵夜時段 ，宵夜有特價小菜及炒粉麵餐，好抵食～ 一大發現：枱上有個召喚服務鐘，我記得很久以前來是沒有的！按下不久就有員工來落單，服務加分👍 今次點了兩個小菜，一碟炒粉麵，2杯凍朱古力：1.椒鹽黃金粒（$38）(評分：8.5/10)是炸豆腐粒，份量很多，吃下去外脆內軟，裡面很熱，吃得出是即炸很新鮮，略嫌椒鹽味不夠燶。 2.蜜椒牛柳粒（$41）(評分：6.5/10）本想試招牌菜火焰版牛柳粒，但價錢太貴，所以都是吃個平民版，但牛柳份量不多，混雜了薯仔和青紅椒，但味道甜甜地幾好味。 3.螞蟻上樹 ($41) （評分：7/10）見個名好得意，又可寓意食了可以抽中螞蟻，齊齊賺多d😂  其實是肉碎炒粉絲，炒得乾濕適中，不油膩，看似好細碟，但食極仲有的份量，味道有少少辣都幾好味。 4.凍朱古力（跟餐＋$12）（評分：10/10）來這裡一定要飲我的最愛凍朱古力，最重要是有Cream, 大大杯，咁多年味道依然無變，都

潛完水，大家都超級肚餓既時候一定要醫飽個肚先返屋企啦，由於大家住既地方太散，所以我地要搵個中間位，就揀左石硤尾既品香樓，品香樓附近係city u 好多學生都黎e 間食飯，就算已經去到10點幾，都係好多人，我地黎到都排左陣隊一坐低，哥哥就會拎d花生小食比我地食住等，花生脆身，雲耳就normal la凍朱古力一定必點，但今次有d 失望，朱古力味唔夠濃朋友叫左鴛鴦可樂，我未試過試左一啖，佢用咸檸加鮮檸去搭可樂，又幾好飲宵夜黎食d 價錢好親民，水魷，熱辣辣天氣食凍冰冰既野就最好不過，辣醬撈得好味，正蜜餞牛柳粒，份量唔算多，但蜜糖味濃，牛柳粒夠林身同有牛香味一定要叫南乳豬手，南乳味好出，好香，豬手皮香脆，鐘意南乳朋友冇得唔叫明太子炒飯，so far so good，但可以有其他選擇XO 蘿白糕，好香好夠味，XO落得唔吝嗇，蘿白糕煎得夠香，唔濕身黃金豆腐，樣就真係麻麻地，食落都一般般，唔夠外脆內軟蠔仔粥，蠔仔份量都多，但味道就差左小小，唔夠梅菜香味同咸味，水汪汪但4個人叫咁多野食都係平均13X 幾蚊鬆d,宵夜黎講算滿足

一年前食過印象深刻，念念不忘再黎多次，點知今次大失所望。回頭率：🌕🌕🌕🌑🌑環境：🌕🌕🌕🌑🌑服務：🌕🌗🌑🌑🌑份量：🌕🌕🌕🌑🌑味道：🌕🌕🌕🌗🌑價錢：195/pal◆Summary◇有卡座坐得都舒服嘅，衛生一般服務一般(走單同專登收多錢當小費❌)食物選擇多，推介黃金蝦、南乳炸豬手同椒鹽九肚魚。整體性價比中下。——————————————————————◆火焰牛柳粒◇HKD113😋充滿視覺效果，牛柳夠軟亦夠入味✅份量再大啲就更好◆椒鹽九肚魚◇HKD98😍每條魚都好多肉，皮薄肉嫩，調味啱啱好，今次份量足夠大◆沙拉骨◇HKD98😔好普通份量又細，得幾舊骨。排骨炸得略乾硬，沙律醬太滯，二者完全唔夾◆凍朱古力◇HKD22😋唧得滿滿的cream成為標誌性的記認，打卡必備📸味道係平價朱古力入面算中上水平，飲得到微苦的朱古力味，亦算滑，個人來講有啲太甜，不過都交到功課啦。至於Cream係罐裝奶油就唔好期待幾特別了😂◆黃金蝦/南乳豬手/生炒糯米飯◇舊年食嘅，淨係可以寫下記憶中的味道，可能並不準確只作參考👇🏻黃金蝦🦐炸得酥脆，包裹的鹹蛋黃並不過鹹，食

今日難得過嚟石硤尾呢邊，決定食好高人氣嘅品香樓聽講嚟得呢到點都要試佢杯凍朱古力，咁我地3個人就叫2杯share試下先啦呢杯凍朱ok啦，上面有層cream係幾邪惡嘅，不過不失，可以一試但唔係必試我地揀咗5樣餸，第一樣係南乳炸豬手，炸到好脆，好好食！邪惡首選呀第二樣係蜜桃沙拉骨，都好食嘅，但係相比起炸豬手就被比下去第三樣係金銀蛋蒜子浸白菜仔，唔錯第四樣係椒鹽九肚魚，呢樣都炸得好好第五樣係火焰蜜椒牛柳粒，視覺效果勁，食落都好入味，唔怪得咁多人叫呢樣嚟食整體嚟講呢間都幾好，抵佢成日都咁多人係門口等我地今次有訂枱都要等一陣先入得，想去嘅朋友記得打電話book定枱啦！

上次食品香樓都成年幾前，印象中非常好食，凍朱好好飲。點知今次大失所望😔首先講火焰牛柳粒，一出黎氣勢幾好，會點火係精彩，但可惜味道就無佢樣睇咁好。先講主角牛柳粒，夠入味但有少少過韌，而且肉唔多，失望。加上洋蔥煮得唔夠熟，好辣。再講南乳炸豬手... 我明白大家講既好骨膠源係點解，因為真係得皮... 同骨，我原期待南乳同豬手係入哂味，點知原來南乳醬同豬手係分開... 好失望，唔明點解可以店排行第二，極唔推薦。明太子炒飯，終於有樣唔錯，炒得香口，粒粒分明，雖然明太子味唔重，感覺同普通炒飯差唔多，但如果諗唔到點咩飯都可以一試。金銀蛋浸白菜仔，難得有一樣可以保持水準，白菜仔煮得林同入味，加上雞蛋都浸埋湯，非常好味，同朋友食極唔停。野飲一如以往點左凍朱古力，見到上面厚厚既cream都興奮🤤但可惜... 曾經好又滑又好味既凍朱，而家有唔少沈澱物，口感差左好多。　總結而言，其實食得唔係咁開心，雖然味道未去到劣，都算係中等味，但曾經既好味已無哂，當年令人食完回味既感覺都無埋，希望有日可以回到應有水準。Ps: 作為唔多帶現金出門既我地...到只收現金既地方...要禁錢先🤣🤣所以都提提大家品香樓只收現金啊！

我其實唔係poly人，但之前朋友帶我黎我先識黎～ 叫餸食飯黎講唔算勁平，但都OK，又好食。如果食完個胃仲有位的朋友，仲可以去埋出面食炭燒雞蛋仔。講返正題先，果日我地叫左黑松露瑤柱蛋白炒飯、風沙雞、賽螃蟹、蝦籽豆腐鍋、金銀蛋浸小白菜。同埋叫左兩杯凍朱古力（其實我都唔知點解，但我朋友話黎呢度一定要飲，其實係濃既但又無咩特別）叫呢幾個菜都係出名既，風沙雞一般，瑤柱蛋白炒飯好食，唔係太咸又唔乾。賽螃蟹都好食，但係一定要餸飯，我地叫得太多餸唔夠飯XD。金銀蛋浸白菜都好食，超鐘意食。豆腐鍋勁多蟹粉/蝦籽（唔記得啦）但都係果句，就咁食咸左少少，要餸飯。總結而言叫左既都好食，而且份量好多。我地3個男仔1個女仔食得超飽，環境一般。我地坐到最入，未係好多人既時候係無問題，但一多人就勁大油煙，佢得冷氣又無抽氣扇。所以食完就急急腳走左，順便食太飽要散步。聚會如果你想食完飯仲可以坐耐D傾下計既就未必太適合。

收工落堔水埗買野，搞掂晒之後就順便醫下肚。行下行下都唔知食乜好，突然醒起依度同石硤尾好近，又懷念南山村既味道，於是就決定今晩食久違既品香樓。七點正去到，門口已經有一大堆人聚集等候。無諗過咁既場面，搭枱既就即刻入得。兩位被安排一大張圓枱，一張枱搭左五台客，足足坐滿十二人，而且眼見圍圍都坐無虛席。犀利！叫左個豉椒炒蜆，落單後唔係點洗等。先講味道，係ok有鑊氣既，但係好多吉殻，肉唔算多但夠大粒。粒粒肉都無沙，清得好乾淨，鍾意食蜆但好怕食到有沙既蜆，依方面真係做得幾好！另外椒鹽九肚魚，可能係新鮮即炸，等得比預期耐。熱辣辣，趣卜卜，真心好得。炸又炸得岩岩好，魚肉滑嘟嘟好嫩滑。而且份量好多，食唔完一樣。最後，黎得品香樓必飲既當然要飲。忌廉朱古力，厚厚既忌廉飲得出係自己打既，好滑好邪惡。朱古力夠晒濃郁，甜度適中，價錢合理。原來凍奶茶都可以要求加忌廉，無得輸呀！下次要試下其他特式小菜！