龍糖坊

Open Now

Now Closed

上星期五晚去完跑馬地跑完步，出番銅鑼灣食餃子，已經9點半，路過看到有間新新地嘅甜品舖門外大排長龍，感覺好有中環歌賦街那家甜品舖的影子。今日放工見有少少凍凍地但又唔係好想食粉麵飯，就行去試下依間甜品舖嘅熱糖水。每每去新嘅甜品舖如果有售賣中式糖水，我都鍾意試下佢地嘅糖水，因為做得糖水舖，基本嘅芝麻糊或紅豆沙做得好先會再光顧。依家店以手機掃碼自助落單揀咗一盤大滿足（$58），有齊我鍾意嘅幾款糖水，一次可以試勻晒仲可以加唔同配料，不過今次試四味，肯定已經好飽肚，所以有機會嘅話留待下回吧！落完單，看左看右見旁坐的女士好似食緊外賣（有三個外賣小盒，一個放白飯、一個返綠色菜同一個放肉），唔知係咪員工用膳中呢？！一個木盤放咗四個小盅，視覺上色澤得嘅！聞落味道都幾香嘅。逐一試嘅時間⋯先試蛋白杏仁茶，杏仁味唔會似杏霜味，南北杏香味剛好，我幾鍾意。第二款就係試合桃糊，有合桃香，唔會水汪汪，稀杰度調教得好好，又唔會出現漿糊膠效果第三款試就係紅豆沙，紅豆煲到起晒沙，勁like唔會出現豆皮和水粒粒片片情況，而且有淡淡陳皮香；不過就食見唔到蓮子⋯⋯⋯⋯最後就係芝麻糊啦⋯上次去咗曾經在西環多年依家在天后重開嘅「O」記

當銅鑼灣越開越多麵包店，越賣越貴，大胃都係想食個糖水就算喺銅鑼灣新開咗一間養生糖水店，環境夠local又舒服呢度主打賣中式糖水，都有好多款式選擇通常都會搲爆頭都唔知揀咩好，呢度就有個option可以做豹頭，一次過要晒四款糖水，價值都唔貴，一個set有齊十年陳皮蓮子紅豆沙、招牌蛋白杏仁茶、古法香濃芝麻糊同養生核桃糊紅豆沙陳皮香好突出，蓮子質感啱啱好，紅豆夠晒腍杏仁茶又香又滑，蛋白好足料芝麻糊好濃好杰，而且好綿核桃糊味道好特別，唔只核桃咁單調，好有層次冇諗過甜品都會有個鍋，雖然唔係真係滾住，但真係夠晒盞鬼一個鍋裡面有齊八樣食材，分別有芋圓、紅豆、蓮子、雪燕、桃膠、紫米、香芋、芒果同仙草加上另上嘅椰奶，足足九品淋晒啲椰奶落去，每一啖食材都滿滿椰香但又唔會太甜太膩，食得好滋味

龍糖坊係龍點心旗下新開嘅糖水鋪🍧，因為自己本身有join左龍點心嘅會員，見到佢嗰app有做promotion 話會員有「買三贈一」糖水卷，只要滿三碗糖水🥣就可以免一碗價錢最低嘅糖水，所以就同屋企人去試一試😜我地order 左一份一盤大滿足、一份芋圓香芋紅豆奶凍，同埋一份白玉娟姍雙皮奶一盤大滿足有4款小盅嘅糖水，包括紅豆沙、芝麻糊、蛋白杏仁茶同核桃糊，嗌佢嘅原因係因為可以唔使食好大碗就可以試哂佢地幾款糖水。我地覺得蛋白杏仁茶係最好食😋，有好香嘅杏仁味而且口感好滑冇渣😆👍🏻；而紅豆沙🫘係第二好食，紅豆煮得啱啱好，幾有口感，甜度亦都適中。而芝麻糊同核桃糊就ok，冇話特別好食，都係正常發揮。芋圓香芋紅豆奶凍啲奶凍幾好食，口感滑順，配埋芋頭粒同紅豆都唔會過甜同膩👍🏻，但係啲芋圓就爭啲，唔夠煙靱☹️白玉娟姍雙皮奶質地細膩，幾滑，真係會有一層奶皮，但我嫌佢唔係幾夠甜🤣